News Flash

काळजी वाढली! मुंबईत ५१० नवे करोना रुग्ण, १८ मृत्यू, संख्या ९ हजाराच्याही पुढे

मुंबईत आत्तापर्यंत करोनाची लागण होऊन ३६१ रुग्णांचा मृत्यू

प्रतिकात्मक छायाचित्र

मुंबईत करोनाचे ५१० नवे रुग्ण आढळले आहेत. तर करोनाची लागण झाल्याने १८ जणांचा मृत्यू झाला आहे. नवे रुग्ण आढळल्याने मुंबईतील करोनाग्रस्ताची संख्या ९ हजार १२३ इतकी झाली आहे. करोनाची लागण होऊन आत्तापर्यंत एकट्या मुंबईत ३६१ जणांचा मृत्यू झाला आहे. मुंबई महापालिकेने ही माहिती दिली आहे.

धारावीत ६३२ रुग्ण
मुंबईतल्या धारावीत ४२ नवे करोना रुग्ण आढळले. त्यामुळे धारावीची रुग्णसंख्या ही ६३२ इतकी झाली आहे. आत्तापर्यंत मुंबईतल्या धारावीत २० जणांचा मृत्यू करोनाची लागण झाल्याने झाला आहे. ही माहितीही मुंबई महापालिकेनेच दिली आहे.

मुंबईतल्या धारावीत करोनाचे सर्वाधिक रुग्ण आहेत. त्या दृष्टीने विशेष काळजी घेतली जाते आहे. दरम्यान मे महिन्याच्या अखेरपर्यंत राज्याच्या बहुतांश भागात ग्रीन झोन दिसला पाहिजे त्यादृष्टीने कामाला लागा असे आदेश मुख्यमंत्री उद्धव ठाकरे यांनी अधिकाऱ्यांना दिले आहेत.

काय म्हटलं आहे उद्धव ठाकरेंनी ?
अर्थचक्रही सुरु राहिले पाहिजे म्हणून आपण काही प्रमाणात झोन नुसार शिथिलता आणली पण याचा अर्थ लॉकडाउनमधून मोकळीक मिळाली असे नाही. विभागीय आयुक्त ,जिल्हाधिकारी, पालिका आयुक्त , पोलीस यांनी कोणत्याही परिस्थितीत लॉकडाउनची कडक अमलबजावणी करून आपापले क्षेत्र लवकरात लवकर ग्रीन झोन्स मध्ये कसे येतील ते पाहावे. जिल्हाधिकाऱ्यांनी स्थानिक परिस्थितीनुरूप प्रसंगी योग्य तो निर्णय घ्यावा पण अमलबजावणीत कुचराई करू नये असे स्पष्ट निर्देश मुख्यमंत्री उद्धव ठाकरे यांनी काल व्हिडीओ कॉन्फरन्समध्ये दिले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 4, 2020 8:52 pm

Web Title: 510 new covid19 positive cases 18 deaths recorded in mumbai today taking the total number of positive cases to 9123 scj 81
टॅग : Coronavirus
Next Stories
1 मुंबई: खासगी रुग्णालयात १५ दिवसाचे करोना उपचाराचे बिल १६ लाख, तरीही रुग्णाचा मृत्यू
2 १७ मे पर्यंत मुंबईत रात्री ८ ते सकाळी ७ या वेळेत संचारबंदी
3 करोना नियंत्रणाचा धारावी पॅटर्न!
Just Now!
X