मुंबईत करोनाचे ५४७ नवे रुग्ण आढळले आहेत. तर २४ तासात २७ जणांचा मृत्यू झाला आहे. मुंबईतील रुग्णांची संख्या ८१७२ इतकी झाली आहे. आज मुंबईतून १३७ रुग्णांना डिस्चार्ज देण्यात आला. आत्तपर्यंत मुंबईत करोनाची लागण होऊन ३२७ रुग्णांचा मृत्यू झाला आहे. तर आत्तापर्यंत १७०४ रुग्णांना डिस्चार्ज देण्यात आला आहे. आरोग्य विभागाने ही माहिती दिली आहे.

महाराष्ट्रातही वाढले रुग्ण

महाराष्ट्रात ७९० नवे करोना रुग्ण पॉझिटिव्ह आढळले आहेत त्यामुळे राज्यातील करोना रुग्णांची संख्या १२ हजार २९६ झाली आहे. तर मागील चोवीस तासात ३६ रुग्णांचा मृत्यू झाला आहे. या ३६ पैकी २७ मृत्यू हे मुंबईत झाले आहेत. मुंबईच्या दृष्टीने चिंता वाढवणारी ही बाब ठरली आहे.