मुंबईतील सेव्हन हिल्स रुग्णालयात एका करोना बाधित रुग्णाने आत्महत्या केली आहे. रुग्णालयाच्या नवव्या मजल्यावर या रुग्णावर उपचार सुरु होते. या रुग्णाला करोनासह इतरही आजार होते. या रुग्णाने गळफास लावून घेत आत्महत्या केली. आज दुपारच्या सुमारास ही घटना घडली आहे. या प्रकरणी एमआयडीसी पोलिसांनी गुन्हा दाखल केला असून पुढील तपास सुरु आहे. महाराष्ट्रातील करोना रुग्णांची संख्या १९ हजारांच्याही पुढे गेली आहे. तर मुंबईतल्या करोना रुग्णांची संख्या ही ११ हजारांच्याही वर गेली आहे. अशात आता एका ६० वर्षांच्या रुग्णाने आत्महत्या केल्याची माहिती समोर आली आहे. फ्री प्रेस जरनलने या संदर्भातले वृत्त दिले आहे.
