18 September 2020

News Flash

वांद्रय़ाच्या नाल्यात ८० झोपडय़ा !

पावसाळ्यात अनधिकृत झोपडय़ांवरील कारवाई जवळपास बंद असल्याचा फायदा घेत मुंबईत जागोजागी अनधिकृत झोपडय़ा तसेच झोपडय़ांवर मजले चढविण्याचे काम सुरू आहे. मात्र वांद्रे येथील रंगशारदा सभागृहाच्या

| June 27, 2013 04:42 am

पावसाळ्यात अनधिकृत झोपडय़ांवरील कारवाई जवळपास बंद असल्याचा फायदा घेत मुंबईत जागोजागी अनधिकृत झोपडय़ा तसेच झोपडय़ांवर मजले चढविण्याचे काम सुरू आहे. मात्र वांद्रे येथील रंगशारदा सभागृहाच्या मागे असलेल्या एका मोठय़ा नाल्यातच ८० अनधिकृत झोपडय़ा गेल्या काही दिवसांमध्ये बांधण्यात आल्या आहेत. या झोपडय़ांवर कारवाई न झाल्यास पावसामुळे वांद्रे रेक्लमेशन आणि तेथील संक्रमण शिबिराचा परिसर जलमय होण्याची भीती स्थानिक रहिवाशांनी व्यक्त केली .
वांद्रे रेक्लमेशन येथील राहुल नगर झोपडपट्टीमागे असलेला नाल्याचा भाग राज्य रस्ते विकास महामंडळाच्या ताब्यात असून महापालिका व पोलीस या अतिक्रमणाकडे बघ्याच्या भूमिकेतून पाहात आहेत. या संपूर्ण परिसरातील पाणी या नाल्यातून समुद्रात जात असतानाही स्थानिक झोपडपट्टीदादांनी पावसाळ्यातच या नाल्यामध्ये झोपडय़ा बांधल्या आहेत. आतापर्यंत सुमारे ८० अनधिकृत झोपडय़ा याठिकाणी बांधण्यात आल्या आहेत.
याबाबत मनसेचे स्थानिक विभाग अध्यक्ष तुषार आफळे यांनी पालिकेकडे तक्रार केली तेव्हा सदर जागा आमच्या मालकीची नव्हे  ‘एमएसआरडीसी’ ची असल्याचे उत्तर मिळाले. पोलिसांनी डोळ्यावर पट्टय़ा बांधल्या असून तक्रार आल्यानंतर पोलीसबळ असेल तरच कारवाई होणार हे चित्र आहे. या पाश्र्वभूमीवर आफळे यांनी एमएसआरडीसीच्या अधिकाऱ्यांकडे पाठपुरावा करून त्यांनाही तक्रार दाखल करण्यास सांगितले आहे. सध्या या झोपडय़ांमध्ये कोणीही राहात नसून पोलीस व पालिकेने कारवाई केली नाही तर मनसे आपल्या स्टाईलने या अनधिकृत झोपडय़ांवर कारवाई करेल असा इशाराही त्यांनी दिला आहे. यापूर्वीही येथील राज्य शासनाच्या मोकळ्या जागेवर झोपडय़ा बांधण्यात आल्या होत्या. त्यावेळीही  या झोपडय़ा पाडण्यात आल्या होत्या. परंतु नाल्यातच झोपडय़ा उभ्या राहत असल्यामुळे उद्या हा संपूर्ण परिसर पावसाळ्यात जलयम होण्याची भीती व्यक्त करण्यात येत आहे. मनसे हा लढा लढत असताना स्थानिक नगरसेवक व आमदार बाबा सिद्दिकी गप्प का, असा सवाल करण्यात येत आहे.  

महापालिका व पोलीस बघ्याच्या भूमिकेत
वांद्रे रेक्लमेशन येथील राहुल नगर झोपडपट्टीमागे असलेला नाल्याचा भाग राज्य रस्ते विकास महामंडळाच्या ताब्यात असून महापालिका व पोलीस या अतिक्रमणाकडे बघ्याच्या भूमिकेतून पाहात आहेत. या संपूर्ण परिसरातील पाणी या नाल्यातून समुद्रात जात असतानाही स्थानिक झोपडपट्टीदादांनी पावसाळ्यातच या नाल्यामध्ये झोपडय़ा बांधल्या आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 27, 2013 4:42 am

Web Title: 80 hut established on drainage place in bandra
टॅग Bandra,Drainage
Next Stories
1 ३० हजार बाबूंवर बडतर्फीचे संकट?
2 नरेंद्र मोदी आणि उद्धव ठाकरे यांची ‘मातोश्री’वर भेट
3 अनुदानित संस्थाचालकांची दुकानदारी बंद
Just Now!
X