24 September 2020

News Flash

दोषी अधिकाऱ्यांवर कारवाई करण्याचे न्यायालयाचे आदेश

पोलिसांवर कारवाई काहीच कारवाई न करणाऱ्या राज्य सरकारची कानउघाडणी करीत या अधिकाऱ्यांवर कारवाई करण्याचे आदेश उच्च न्यायालयाने शुक्रवारी सरकारला दिले.

| November 1, 2014 04:15 am

मावळ परिसरात शेतकऱ्यांवर करण्यात आलेल्या गोळीबाराप्रकरणी एम. जी. गायकवाड समितीने जबाबदार ठरविलेले पोलीस अधिकारी संदीप कर्णिक यांच्यासह अन्य पोलिसांवर कारवाई काहीच कारवाई न करणाऱ्या राज्य सरकारची कानउघाडणी करीत या अधिकाऱ्यांवर कारवाई करण्याचे आदेश उच्च न्यायालयाने शुक्रवारी सरकारला दिले. प्रकरणाच्या चौकशीच्या मागणीसाठी ईश्वरप्रसाद खंडेलवाल यांनी केलेल्या जनहित याचिकेवरील सुनावणीच्या वेळेस न्यायमूर्ती अभय ओक आणि न्यायमूर्ती अजय गडकरी यांच्या खंडपीठाने हे आदेश दिले. या अधिकाऱ्यांवर काय कारवाई केली, अशी विचारणा करीत न्यायालयाने सरकारकडून त्याबाबत स्पष्टीकरण मागितले होते. मात्र समितीने शिफारस करून आणि सरकारने ती मान्य करून एवढे महिने उलटले तरी या अधिकाऱ्यांवर अद्याप काहीच कारवाई केली नसल्याची बाब खंडेलवाल यांनी शुक्रवारी न्यायालयाच्या निदर्शनास आणून दिली. या अधिकाऱ्यांना अद्याप कारणे दाखवा नोटीस का बजावण्यात आली नाही, त्यांच्यावर शिस्तभंगाची कारवाई का करण्यात आली नाही, अशी प्रश्नांची सरबत्ती करीत न्यायालयाने न्यायालयाने कायद्यानुसार या अधिकाऱ्यांवर त्वरीत कारवाई करण्याचे आदेश दिले. तत्कालीन पोलीस अधीक्षक संदीप कर्णिक यांच्यासह अन्य पोलीस अधिकाऱ्यांनी नियमांचे उल्लंघन करीत जमावावर गोळीबार केल्याचा आरोप खंडेलवाल यांनी करीत जनहित याचिकेद्वारे प्रकरणाच्या चौकशीची मागणी केली होती.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 1, 2014 4:15 am

Web Title: act against officials indicted in maval firing case hc
Next Stories
1 कर्जतजवळ मध्य रेल्वेचे तीनतेरा
2 रुग्ण युवतीवर बलात्कार करणाऱ्या डॉक्टरास जन्मठेप
3 गर्भधारणा कशी झाली, याची माहिती बंधनकारक!
Just Now!
X