24 September 2020

News Flash

दलितांवरील अत्याचारांविरोधात आंबेडकरी संघटना रस्त्यावर

राज्यात दलितांवरील वाढत्या अत्याचारांच्या विरोधात वेगवेगळ्या फुले-आंबेडकरवादी संघटना रस्त्यावर उतरल्या आहेत.

| May 24, 2014 03:31 am

राज्यात दलितांवरील वाढत्या अत्याचारांच्या विरोधात वेगवेगळ्या फुले-आंबेडकरवादी संघटना रस्त्यावर उतरल्या आहेत.
रिपब्लिकन सेनेच्या नेतृत्वाखाली २८ मे रोजी अहमदनगर जिल्ह्यातील खर्डा येथे मोर्चा निघणार आहे. तर त्याच दिवशी ‘फेसबुक आंबेडकराइट मूव्हमेंट’ या तरुणांच्या संघटनेच्या वतीने मुंबईत भायखळा ते आझाद मैदान असा हल्लाबोल मोर्चा काढण्यात येणार आहे.
लोकसभा निवडणुकीची रणधुमाळी सुरु असतानाच अहमदनगर जिल्ह्यातील खर्डा या गावी नितीन आगे या तरुणाची अतिशय क्रूरपणे हत्या करण्यात आली. त्यानंतर दलितांवरील अत्याचारांची मालिकाच सुरु आहे. मात्र सरकारने त्याची गांभीर्याने दखल घेतली नाही, असा आंबेडकरवादी कार्यकर्त्यांचा आरोप आहे. हा प्रश्न गांभीर्याने हाताळावा, असे अजूनही सरकारला वाटत नाही. त्यामुळे दलित समाजात असंतोष आहे. विधानसभा निवडणुकीत त्याचा फटका काँग्रेस-राष्ट्रवादीला बसल्याशिवाय राहणार नाही, असा इशारा या संघटनांनी दिला आहे. याच असंतोषातून सरकारच्या विरोधात राज्यातआंदोलने सुरु आहेत, अशी माहिती संघटनेचे प्रदेशाध्यक्ष काशिनाथ निकाळजे यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 24, 2014 3:31 am

Web Title: ambedkarite organisation set agitation against dalit atrocities
Next Stories
1 आघाडीत खापरफोडी
2 पालिकेच्या पटावर विधानसभेची खेळी
3 ‘पेडन्यूज’प्रकरणी अशोक चव्हाण यांना आठवड्याभराचा दिलासा
Just Now!
X