News Flash

पाच हजार पोलिसांच्या भरतीला मान्यता

दुसऱ्या टप्प्यात सात हजार पोलिसांची रिक्त पदे भरण्यात येणार आहेत

संग्रहित छायाचित्र

करोनामुळे शासकीय नोकरभरतीवर लागू केलेले निर्बंध शिथिल करण्यात आले असून, सुमारे पाच हजार पोलीस शिपाई पदे भरण्यास राज्य शासनाने मान्यता दिली आहे. भरती प्रक्रिया लवकरच सुरू करण्यात येणार आहे. दुसऱ्या टप्प्यात सात हजार पोलिसांची रिक्त पदे भरण्यात येणार आहेत, असे गृह विभागाच्या शासन आदेशात म्हटले आहे.

करोना साथरोगाचा मुकाबला करण्यासाठी मागील मार्चमध्ये राज्यात टाळेबंदी लागू करण्यात आली. त्यामुळे सर्व आर्थिक व्यवहार ठप्प झाल्यामुळे राज्याची वित्तीय व्यवस्थाही कोलमडून पडली. त्यामुळे राज्य शासनाने शासकीय नोकरभरतीवर निर्बंध लागू करण्याचा निर्णय घेतला. वित्त विभागाने ४ मे २०२० रोजी तसा शासन आदेश काढला होता.

राज्य पोलीस दलात मोठय़ा प्रमाणावर शिपाई संवर्गातील पदे रिक्त आहेत. कायदा व सुव्यवस्थेच्या दृष्टीने ही पदे भरणे महत्त्वाचे आहे, असे शासनाचे मत झाले. २०१९ मध्ये ५,२९७ पदे रिक्त झाली आहेत. जानेवारी ते डिसेंबर २०२० मध्ये सेवानिवृत्त, पदोन्नती, राजीनामे, इत्यादी कारणास्तव पोलीस शिपाई, वाहनचालक, सशस्त्र पोलीस शिपाई संवर्गातील ६,७२६ पदे रिक्त झाली आहेत. त्याचबरोबर मीरा-भाईंदर-वसई-विरार पोलीस आयुक्तालयासाठी पहिल्या टप्प्यात ५०५ पोलीस शिपाई पदे भरावयाची आहेत. यानुसार एकूण १२ हजार ५२८ पोलीस शिपाई संवर्गातील पदे रिक्त असून ही सर्व पदे भरण्याचा शासनाचा प्रस्ताव आहे.

राज्य शासनाने आता पोलीस भरतीला नोकरभरतीच्या निर्बंधातून सूट दिली आहे. त्यानुसार पहिल्या टप्प्यात ५,२९७ पोलीस शिपाई पदांची भरती करण्यात येणार आहे. गृह विभागाने त्यासंबंधीचा नव्याने शासन आदेश काढला आहे. दुसऱ्या टप्प्यात ७२३१ पदे भरण्याबाबत स्वतंत्र आदेश काढण्यात येईल, असे गृह विभागाने म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 23, 2021 12:01 am

Web Title: approval for recruitment of five thousand policemen abn 97
Next Stories
1 …हे तर शरद पवारांचे स्वत:विरूध्दच आंदोलन- केशव उपाध्ये
2 डोंगरीत ‘एमडी’चा कारखाना उद्ध्वस्त! ‘मुंबईतील ड्रग्स माफियांविरोधात युद्ध पुकारा’, भाजपा नेत्याची पत्राद्वारे मागणी
3 डोंगरीत ‘एमडी’चा कारखाना उद्ध्वस्त!
Just Now!
X