प्रसिद्ध चित्रकार रामचंद्र कामत यांचं निधन झालं आहे. मुंबईमधील माटुंगा येथील घरात बुधवारी ४१ वर्षीय रामचंद्र कामत यांचा मृतदेह आढळला. पोलिसांनी याप्रकरणी अपघाती मृत्यूची नोंद केली आहे. पोलिसांना घटनास्थावरुन सुसाईड नोटही सापडली असून त्यामध्ये आत्महत्या करत असल्याचा उल्लेख आहे. पोलीस याप्रकरणी अधिक तपास करत आहेत. पोलिसांनी दिलेल्या माहितीनुसार, बुधवारी दुपारी साडे तीन वाजण्याच्या सुमारास रामचंद्र उर्फ रामइंद्रनिल कामत माटुंग्यातील राहत्या घरी बाथटबमध्ये बेशुद्ध अवस्थेत आढळले. यानंतर औषधोपचार करण्यासाठी त्यांना सायन रुग्णालयात दाखल करण्यात आलं. यावेळी डॉक्टरांनी तपासणी करुन त्यांना मृत घोषित केला. Famous artist Ram Indranil Kamat committed suicide at his home in Matunga on 19th August. A suicide note was also found. Matunga Police has registered ADR & investigation is going on: N Ambika, Spokesperson, Mumbai Police pic.twitter.com/hDjS4pATn1 — ANI (@ANI) August 20, 2020 पोलिसांनी दिलेल्या माहितीनुसार, सुसाईड नोटमध्ये आपल्या मृत्यूसाठी कोणीही जबाबदार नसल्याचं लिहिलं आहे. रामचंद्र कामत चित्रकारासोबत छायाचित्रकारदेखील होते. माटुंग्यात आपल्या आईसोबत ते राहत होते. पोलिसांनी सुसाईड नोटमध्ये कोणीही जबाबदार नसल्याचा उल्लेख असला तरी आत्महत्येचं कारण शोधण्यासाठी कुटुंबीय आणि मित्रांचा जबाब नोंदवला जाणार असल्याचं सांगितलं आहे.
