ज्येष्ठ कथ्थक नृत्यगुरू आशा जोगळेकर यांचे शुक्रवारी सकाळी वृद्धापकाळाने अंधेरी येथे निवासस्थानी निधन झाले. त्या ८० वर्षांच्या होत्या. त्यांच्या पश्चात अभिनेत्री व नृत्यांगना अर्चना जोगळेकर या कन्या तसेच २ पुत्र, सुना आणि नातवंडे असा परिवार आहे. आशा जोगळेकर या गेली पन्नास वर्षे ‘अर्चना नृत्यालया’च्या माध्यमातून कथ्थक नृत्याचे प्रशिक्षण देत होत्या. त्यांनी अनेक शिष्य घडविले.
