25 November 2020

News Flash

पालिका कर्मचाऱ्यांची आता चेहरा दाखवून हजेरी

कर्मचाऱ्यांची माहिती गोळा करण्याचे काम सुरू

(संग्रहित छायाचित्र)

पालिका कर्मचाऱ्यांना आता चेहरा दाखवून हजेरी नोंदवावी लागणार आहे. पालिकेच्या सर्व विभाग कार्यालयांमध्ये तशी यंत्रणा (फेस रिडर) बसवली जाणार आहे. त्याकरीता कर्मचाऱ्यांची माहिती गोळा करण्याचे काम सुरू झाले आहे.

मार्चमध्ये करोनाचा संसर्ग वाढू लागला तेव्हा पालिकेतील बायोमेट्रीक हजेरी बंद करण्यात आली. तीन महिन्यांनी ही हजेरी पुन्हा सुरू करण्यात आली. मात्र, या पद्धतीमुळे संसर्गाचा धोका अधिक असल्याने कर्मचाऱ्यांनी विरोध केला होता. तसेच बायोमेट्रीक हजेरीला पर्याय आणण्याची मागणी कामगार संघटनांनी केली होती. त्यामुळे कॅमेरामध्ये चेहरा पाहून संगणकावर (फेस रिडर) हजेरी नोंदवण्याचा नवा पर्याय पुढे आला आहे. पालिकेच्या विद्युत व यांत्रिकी विभागाने तशी तयारी केली असून नायर रुग्णालयात यापूर्वी ही हजेरीची पद्धत सुरू करण्यात आली आहे.

सध्या माहिती संकलनाचे काम विभाग कार्यालयात सुरू करण्यात आले आहे. ग्रँटरोड नानाचौक येथील पालिकेच्या डी विभाग कार्यालयात २४ नोव्हेंबपर्यंत हे माहिती संकलनाचे काम सुरू राहणार आहे.

पालिकेचे कार्यालयीन कर्मचारी, कामगार यांना ही हजेरी बंधनकारक राहणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2020 12:29 am

Web Title: attendance of municipal employees now showing face abn 97
Next Stories
1 राष्ट्रीय उद्यानात आज आणखी एका वाघिणीचे आगमन
2 महापालिका निवडणुका फेब्रुवारीत?
3 सर्वासाठी रेल्वे आणखी विलंबाने
Just Now!
X