मुंबई महापालिकेवर झेंडा फडकविण्याचा निर्धार केलेल्या भाजपने आमदार अतुल भातखळकर यांची प्रभारी म्हणून नियुक्ती केली आहे.

विधानसभेतील विरोधी पक्षनेते देवेंद्र फडणवीस यांच्या उपस्थितीत मुंबई भाजप कार्यकारिणीच्या झालेल्या बैठकीत हा निर्णय घेण्यात आला. मुंबई महापालिका निवडणुकीची तयारी भाजपने सुरू केली असून कोणत्याही परिस्थितीत स्वबळावर सत्ता आणण्याचे उद्दिष्ट ठेवले आहे. ‘भाजप येणार, मुंबई घडविणार’ अशी साद भाजपकडून मुंबईकरांना घातली जाणार आहे. शिवसेनेची भ्रष्टाचारी सत्ता हटविण्याचे उद्दिष्ट भाजपने ठेवले आहे, अशी माहिती भाजपकडून देण्यात आली.