News Flash

बाळासाहेब थोरात यांची काँग्रेसच्या विधिमंडळ नेतेपदी वर्णी

काँग्रेस सरचिटणीस के.सी. वेणूगोपाल यांनी जाहीर केल्या नियुक्त्या

संग्रहीत छायाचित्र

काँग्रेसचे माजी नेते व विधानसभा विरोधी पक्ष नेते राधाकृष्ण विखे पाटील यांनी आमदारकीचा तसेच विरोधी पक्षनेतेपदाचा राजीनामा दिल्यानंतर आता त्यांच्या जागेवर पक्षाने बाळासाहेब थोरात यांची वर्णी लावली आहे.

काँग्रेसच्या विधिमंडळ नेतेपदी आता बाळासाहेब थोरात असणार आहेत. लोकसभा निवडणुकीत काँग्रेसने राधाकृष्ण विखे पाटील यांचे पुत्र सुजय विखे यांना नगरमधुन उमेदवारी न दिल्याने, सुजय विखे यांनी भाजपात प्रवेश करत लोकसभा निडवणुक लढवली व यात त्यांनी राष्ट्रवादीचे उमेदवार संग्राम जगताप यांचा पराभव केला. काँग्रेसच्या या निर्णयामुळे नाराज झालेल्या राधाकृष्ण विखे पाटील यांनी या निवडणुकीत काँग्रेस आघाडीच्या उमेदवाराचा प्रचार करणे उघडपणे टाळले होते. निवडणुक निकालानंतर त्यांनी भाजपात प्रवेश करत असल्याचे स्पष्ट संकेतही दिले. त्याच्याबरोबर काँग्रेसचे काही आमदारही भाजपाच्या वाटेवर असल्याची खात्री लायक माहिती आहे.

विजय वडेट्टीवार यांची विधानसभेच्या गटनेतेपदी तर आमदार नसीम खान यांच्याकडे उपनेतेपदाची जबाबदारी आहे. बसवराज पाटील यांची मुख्य प्रतोदपदी तर के.सी. पाडवी, सुनील केदार, जयकुमार गोरे, यशोमती ठाकूर आणि प्रणिती शिंदे यांची प्रतोदपदी नियुक्ती करण्यात आली आहे. याबरोबरच विधान परिषदेच्या गटनेतेपदी शरद रणपिसे यांची तर उपनेतेपदी रामहरी रुपनवार यांची नियुक्ती करण्यात आली आहे प्रतोदपदी भाई जगताप यांची नियुक्ती करण्यात आली आहे. काँग्रेसचे सरचिटणीस के.सी. वेणूगोपाल यांनी या नियुक्त्या जाहीर केल्या आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 14, 2019 1:42 pm

Web Title: balasaheb thorat appointed as congress legislature party leader msr 87
Next Stories
1 मुंबईत झाड कोसळून दोघांचा मृ्त्यू
2 ‘वायू’चा पावसावर परिणाम, मुंबईकरांना आणखी सात दिवस पहावी लागणार वाट
3 नायर रूग्णालयातून अपहरण झालेले 5 दिवसांचे बाळ सापडले
Just Now!
X