टी-२० वर्ल्ड कपच्या अंतिम भारत आणि श्रीलंका सामन्यावर सट्टा खेळणाऱ्या तिघांना पोलिसांनी अटक केली आहे. यातील मुख्य सट्टेबाज नरेश शाह यालाही या प्रकरणी अटक करण्यात आली आहे. वाळकेश्वर परिसरात हा सट्टा सुरू होता. त्यावेळी पोलिसांनी टाकलेल्या धाडीत या तिघांना ताब्यात घेण्यात आले. त्यांच्याकडून नऊ लँडलाइन फोन्स, दोन मोबाइल्स, लॅपटॉप, आयपॅड आणि इतर सामान जप्त करण्यात आला. याप्रकरणी पुढील तपास सुरू असल्याचे पोलिसांनी सांगितले.
