News Flash

विजेच्या धक्क्याने दुचाकीस्वाराचा मृत्यू

डहाणू आगर येथे मुलाला शाळेत सोडण्यास गेलेल्या दुचाकीस्वाराचा विद्युतभारित तार कोसळल्याने धक्का लागून मृत्यू झाल्याची घटना सोमवारी सकाळी ७.४५ वाजता घडली.

| June 16, 2015 01:01 am

डहाणू आगर येथे मुलाला शाळेत सोडण्यास गेलेल्या दुचाकीस्वाराचा विद्युतभारित तार कोसळल्याने धक्का लागून मृत्यू झाल्याची घटना सोमवारी सकाळी ७.४५ वाजता घडली.
मनीष अनिल कर्नावट (वय ४०, रा. डहाणूगाव) असे मृताचे नाव आहे.    मनीष सकाळी मुलाला शाळेत सोडण्यासाठी दुचाकीवरून निघाले होते.  शाळेतून परतत असताना डहाणू शहरातील आगर येथे रस्त्यात पाणी साचलेल्या ठिकाणी विद्युतभारित तार पडली होती. तेथून जात असताना विद्युतप्रवाहाचा स्पर्श झाल्याने मनीष हे जागीच कोसळले. ही घटना काही नागरिकांनी प्रत्यक्ष पाहिली, मात्र विद्युतप्रवाह सुरूच असल्याने त्याला वाचविण्याचे धाडस कोणी न दाखविले नाही. या वेळी मनीष यांचा तडफडून मृत्यू झाला. दरम्यान ‘महावितरण’च्या अधिकाऱ्यांच्या निष्काळजीपणाचा आरोप ठेवत संतप्त नागरिकांनी डहाणू पोलीस ठाण्यात धाव घेतली. या वेळी  सहायक अभियंत्यावर सदोष मनुष्यवधाचा गुन्हा दाखल केला जात नाही तोवर मनीष यांचा मृतदेह ताब्यात घेणार नसल्याचे ग्रामस्थांनी स्पष्ट केल्याने या भागात काहीकाळ तणाव पसरला होता. पोलिसांनी तसे आश्वासन दिल्यानंतर ग्रामस्थांनी माघार घेतली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 16, 2015 1:01 am

Web Title: biker killed by electric shock
टॅग : Electric Shock
Next Stories
1 क्रीडा संघटना चालवणे हे राजकारण्यांचेच काम!
2 न्यायालयात ब्लेडने गळा कापून तरुणाचा आत्महत्येचा प्रयत्न
3 जान्हवी गडकरच्या जामीन अर्जावर बुधवारी सुनावणी
Just Now!
X