News Flash

मराठा आरक्षणप्रकरणी भाजपचे राजकारण

मराठा आरक्षणाशी संबंधित वरील तीन मुद्दे हे केंद्र सरकार आणि संसदेच्या अधिकारात आहेत

काँग्रेसची टीका

मुंबई : मराठा आरक्षणाच्या नावाने राज्यभर आंदोलन करण्याचा भाजपचा निर्णय म्हणजे मराठा आरक्षणाच्या वाटेत काटे टाकण्याचा हा कुटिल डाव आहे, अशी टीका प्रदेश काँग्रेसचे प्रवक्ते डॉ. संजय लाखे-पाटील यांनी केली.

मराठा आरक्षणप्रश्नी भाजप राजकारण करत असून एसईबीसी कायद्यातील त्रुटी, घटनात्मक अडथळे दूर करत मराठा आरक्षणाला न्याय मिळवून देण्याऐवजी महाविकास आघाडी सरकारच्या विरोधात गावोगाव आंदोलन करून स्वत:च्या घोडचुका झाकून ठेवण्याचा हा प्रकार आहे, असे ते म्हणाले. विनायक मेटे, नरेंद्र पाटील हे मराठा समाजाला राज्य सरकारच्या विरोधात भडकावण्याच्या आंदोलनाचे नियोजन करणार आणि भाजप त्यांना रसद पुरवणार हा, हे त्यांचे धोरण ठरलेले असे लाखे-पाटील यांनी सांगितले.

मराठा समाजाला खरेच आरक्षण मिळावे अशी भाजपची भूमिका असेल तर संसदेचे खास अधिवेशन बोलवावे आणि राज्याचे अधिकार काढून घेणारी १०२ वी घटनादुरुस्ती तातडीने रद्द करावी, कालबाह्य़ झालेल्या इंद्रा सहानी खटल्यातील ५० टक्के आरक्षणमर्यादेची अट काढून टाकावी, एसईबीसी कायद्याला संसदेच्या दोन्ही सभागृहांचे बहुमताने संरक्षण मिळावे यासाठी प्रयत्न करावेत, असे आवाहन त्यांनी केले.

मराठा आरक्षणाशी संबंधित वरील तीन मुद्दे हे केंद्र सरकार आणि संसदेच्या अधिकारात आहेत, राज्य सरकारच्या नाहीत. त्यामुळे राज्यात मोर्चे काढण्याचा भाजपचा कुटिल डाव, मराठा समाज आणि राज्यातील जनता पुरती ओळखून आहे, असे लाखे-पाटील यांनी म्हटले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 18, 2021 2:28 am

Web Title: bjp s politics on maratha reservation issue says congress zws 70
Next Stories
1 राज्यातील ११८ गृहप्रकल्पांतील विकासक बदलले!
2 ‘कोविन’अडचणीचे,मुबईकरांसाठी स्वतंत्र संकेतस्थळ सुरू करा
3 Coronavirus : मुंबईतील करोना रुग्णसंख्या दीड हजारांच्या खाली
Just Now!
X