News Flash

बेकायदा फलकबाजीविरुद्ध पालिका आक्रमक

फलकांविरोधातील कारवाई आणखी तीव्र करण्यात येणार असल्याचे पालिका अधिकाऱ्यांनी सांगितले.

(संग्रहित छायाचित्र)

मुंबईचे विद्रूपीकरण करणाऱ्या फलकांविरोधात महापालिका पुन्हा एकदा आक्रमक झाली असून अंधेरी परिसरातील ६९ फलक आणि त्यासाठी उभारण्यात आलेले ६३ आधारखांब काढून टाकण्यात आले. फलकांविरोधातील कारवाई आणखी तीव्र करण्यात येणार असल्याचे पालिका अधिकाऱ्यांनी सांगितले.

अंधेरी (पश्चिम) परिसरात पदपथांवर तसेच रस्त्याच्या कडेला मोठय़ा प्रमाणात अनधिकृत फलक लावण्यात आले होते. फलक लावण्यासाठी तेथे आधारखांबही उभारण्यात आले होते. ही कारवाई जुहू, जोगेश्वरी (प.), अंधेरी (प.), विलेपार्ले (प.), जुहू समुद्रकिनारा, ओशिवरा, वर्सोवा व वर्सोवा समुद्रकिनारा या ठिकाणी करण्यात आली. या परिसरातील रस्त्यांवर, पदपथांवर व सार्वजनिक परिसरांमध्ये अनधिकृतपणे होर्डिग्ज, पोस्टर, फलक इत्यादी लावण्यात आले होते. फलकांसाठी लावण्यात आलेल्या आधारखांबांमुळे पादचाऱ्यांना अडथळा निर्माण होत असल्याने कारवाई केली जात असल्याचे ‘के-पश्चिम’ विभाग कार्यालयाचे साहाय्यक आयुक्त प्रशांत गायकवाड यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 15, 2018 2:54 am

Web Title: bmc against offensive hordings
Next Stories
1 भाजप आणि राष्ट्रवादीचे कलानी प्रेम!
2 फेरपरीक्षेतील उत्तीर्ण विदयार्थ्यांनाही व्यावसायिक अभ्यासक्रमाला प्रवेश मिळणार – विनोद तावडे 
3 मुंबईच्या रस्त्यांवरील २० हजारहून अधिक खड्ड्यांची लिमका बुकही घेणार दखल?
Just Now!
X