मुंबई महापालिकेत बुधवारी काही अधिकाऱ्यांना बढती देण्यात आली तर काहींची पदावनती करण्यात आली. गेली अनेक वर्षे प्रमुख लेखापाल (वित्त) या पदावर कार्यरत असलेले राम धस यांना उपायुक्त- ३ पदी पदोन्नती देण्यात आली. धस यांना पदावरून हटविण्यासाठी शिवसेना-भाजप युतीने आक्रमक भूमिका घेतली होती. परंतु पालिका आयुक्त त्यांच्या पाठीशी खंबीरपणे उभे राहिल्याने त्यांची बदली होऊ शकली नाही. मात्र, आता राम धस यांना पदोन्नती देण्यात आली आहे. हंगामी उपायुक्त ए. एल. वागराळकर यांची उपायुक्त-२ पदी, कार्यकारी अभियंता एस. पी. कालपे यांची सहाय्यक आयुक्तपदी (बी) पदोन्नती, तर हंगामी उपायुक्त रमेश पवार यांची सहाय्यक आयुक्त (बाजार), उपायुक्त सुनील धामणे यांना हंगामी उपायुक्तपदी, तसेच प्रमुख लेखापाल एच. एस. निकम यांची लेखापालपदी (वित्त) पदावनतीोाली आहे. सहाय्यक आयुक्त राजेश काटकर यांची सहाय्यक आयुक्त (अतिक्रमण), सहाय्यक आयुक्त विजयानंद बोले यांची सहाय्यक आयुक्तपदी (अतिक्रमण)ी वर्णी लागली.
