News Flash

कुलाब्यातील लिओपोल्ड कॅफेच्या अनधिकृत बांधकामावर पालिकेचा हातोडा

पालिकेच्या नोटीसला कॅफेने कोणतेही उत्तर न दिल्यामळे मुंबई महापालिकेने बुधवारी ही कारवाई केली आहे. 

देश-विदेशी पर्यटकांचा कायम राबता असलेल्या, तसेच मुंबईवर झालेल्या दहशतवादी हल्ल्यातील लक्ष्य बनलेल्या कुलाबा कॉजवे येथील लिओपोल्ड कॅफेच्या वाढीव अनधिकृत बांधकांमांवर मुंबई महापालिकेने बुधवारी कारवाई केली.

गेल्या काही दिवसांपासून ‘लिओपोल्ड कॅफे’च्या दर्शनी भागात पदपथावर उभारण्यात आलेल्या छपरावर पक्क्या स्वरूपाचे बांधकाम करण्यात येत असल्याचे पालिका अधिकाऱ्यांच्या निदर्शनास आले. या छपरावर पक्के बांधकाम करून कॅफेला लागणारे साहित्य ठेवण्यासाठी खोली उभारण्यात येत आहे, असे पालिका अधिकाऱ्यांनी सांगितले. पालिका अधिकाऱ्यांनी तपासणी करुन पालिकेने ‘लिओपोल्ड कॅफे’च्या मालकांवर नोटीस बजावली होती. पदपथावरील छपरावर करण्यात येत असलेले बांधकाम तात्काळ बंद करावे आणि २४ तासांमध्ये ते हटवावे, असे आदेश पालिकेने दिले होते. परंतू पालिकेच्या नोटीसला कॅफेने कोणतेही उत्तर न दिल्यामळे मुंबई महापालिकेने बुधवारी ही कारवाई केली आहे.

कमला मिल अग्नितांडवानंतर पालिकेने हॉटेल्समधील अनधिकृत बांधकामे आणि अनियमितता यावर करडी नजर ठेवली आहे. पालिकेच्या ‘ए’ विभाग कार्यालयाच्या हद्दीतील कुलाबा कॉजवे परिसरातील २७ एन. एफ. रोडवरील रुस्तम मंजिलच्या तळमजल्यावर ‘लिओपोल्ड कॅफे’ असून या कॅफेमध्ये कायम विदेशी पर्यटकांचा राबता असतो. मद्यप्रेमी देश-विदेशी पर्यटकांसाठी ‘लिओपोल्ड कॅफे’ आकर्षण बनले आहे. मुंबईवर २००८ मध्ये झालेल्या दहशतवादी हल्ल्यामध्ये ‘लिओपोल्ड कॅफे’ लक्ष्य करण्यात आले होते. मात्र त्यानंतरही या कॅफेतील पर्यटकांचा राबता कमी झालेला नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 16, 2018 7:39 pm

Web Title: bmc take action against leopold cafe
Next Stories
1 सत्ता आहे म्हणून दुरुपयोग करु नका, राज ठाकरेंनी भाजपाला सुनावलं
2 कर्नाटकात भाजपाचा विजय ही मोदींची नव्हे, तर कानडी जनतेची लाट : शिवसेना
3 जगभरात वारली चित्रकलेला प्रसिद्धी मिळवून देणारे जिव्या सोमा माशे यांचे निधन
Just Now!
X