शिवसेनाप्रमुख बाळासाहेब ठाकरे यांच्या स्मृतिस्थळासाठी महानगरपालिकेच्या तिजोरीतून पैसे काढल्यानंतर आता अखंडज्योत तेवत ठेवण्यासाठीही सत्ताधारी शिवसेनेने करदात्यांच्या खिशात हात घालण्याचे ठरवले आहे. स्मारकातील ज्योतीच्या इंथनाचा खर्च पालिकेवर पडणार नाही, हे सेनेच्या नेत्यांचे आश्वासन हवेत विरले असून दरमहा बील देण्यासंबंधीचा प्रस्ताव स्थायी समितीसमोर मांडला जाणार आहे. शिवाजी पार्क येथे शिवसेनाप्रमुखांचे स्मृतिस्थळ तयार करण्यासाठी तत्कालीन स्थायी समिती अध्यक्ष राहुल शेवाळे यांनी स्थायी समितीकडून खर्चाचा प्रस्ताव मंजूर करून घेतला होता.
