News Flash

देवनार कचराभूमीवर सव्वा कोटींची सुगंधी द्रव्य फवारणी

प्रदूषण कमी करण्यासाठी त्यावर करण्यात येणाऱ्या सुगंधी द्रव्य फवारणीची मात्रा ५० टक्के कमी करण्यात आली आहे.

देवनार कचराभूमीवर सव्वा कोटींची सुगंधी द्रव्य फवारणी

देवनार कचराभूमीचा वास व त्यामुळे होणारे धूलिकणांचे प्रदूषण कमी करण्यासाठी त्यावर करण्यात येणाऱ्या सुगंधी द्रव्य फवारणीची मात्रा ५० टक्के कमी करण्यात आली आहे. दिवसातून ६०० लिटरवरून आता ३०० लिटर सुगंधी द्रव्य फवारणी केली जाणार असून त्यासाठी वर्षांला १ कोटी १५ लाख रुपये खर्च येणार आहे. स्थायी समितीत या प्रस्तावाला मान्यता मिळाल्यावर तो अमलात येईल.
देवनार कचराभूमीचे क्षेत्रफळ १२० हेक्टर असून त्यावर शहरातील बहुतांश म्हणजे दररोज तब्बल ९५०० मेट्रिक टन कचरा टाकला जातो. पावसाळ्यानंतर कचऱ्याच्या प्रमाणात अधिक वाढ होण्याचाही अंदाज आहे. देवनार कचराभूमीत पूर्वी प्रति पाळी २०० लिटर म्हणजेच दिवसाला ६०० लिटर सुगंधी द्रव्य फवारले जात असे. यामुळे कचऱ्याची दरुगधी कमी होऊन कचराभूमीत काम करणारे कर्मचारी, तसेच आजूबाजूच्या परिसरातील रहिवाशांचा त्रास कमी होत असे. याशिवाय हवेतील धूलिकणही खाली बसत असल्याने प्रदूषणाची मात्रा कमी होत असे. या कचराभूमीवर सुगंधी द्रव्य फवारणीसाठी पालिकेने दोन ट्रॅक्टर व एक पाण्याचा टँकर वर्षभरासाठी भाडेतत्त्वावर घेण्यासाठी निविदा काढल्या होत्या. मात्र या निविदांमध्ये सुगंधी द्रव्याचे प्रमाण प्रति पाळी १०० लिटरवर आणले गेले आहे. या निविदांना मिळालेल्या प्रतिसादानुसार मे. डी. पी. इंजिनीअरिंग अ‍ॅण्ड डेव्हलपर्स यांच्याकडून ही सेवा घेतली जाणार असून त्यासाठी पालिकेला १ कोटी १५ लाख रुपये खर्च करावे लागतील, असे पालिका प्रशासनाने प्रस्तावात नमूद केले आहे. गुरुवार, ३० जून रोजी स्थायी समितीत हा प्रस्ताव मंजूर झाल्यास त्याची कार्यवाही होईल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 28, 2016 3:21 am

Web Title: bmc to spray fragrance liquid of rs 1 25 crore on deonar dumping ground
Next Stories
1 पालिका अतिरिक्त आयुक्तांच्या बंगल्यावर १ कोटी ४४ हजार रुपयांचा खर्च
2 कोळी कुटुंबांचा आता गिरगाव चौपाटीला अखेरचा ‘रामराम’?
3 ‘मुंबई शॉपिंग फेस्टिवल’चे विजेते पुरस्काराने सन्मानित
Just Now!
X