25 February 2021

News Flash

राज्यातील ५७ पोलिसांना शौर्यपदके जाहीर

प्रभात कुमार, सुखविंदर सिंह यांना राष्ट्रपती पदक

(संग्रहित छायाचित्र)

प्रजासत्ताक दिनाच्या पूर्वसंध्येला केंद्र शासनाने महाराष्ट्र पोलीस दलातील ५७ अधिकारी, अंमलदारांची शौर्य पदकासाठी, उल्लेखनीय सेवेसाठी राष्ट्रपती पोलीस पदकांसाठी आणि गुणवत्तापूर्ण सेवेप्रीत्यर्थ दिल्या जाणाऱ्या पोलीस पदकासाठी निवड के ली आहे. त्यात लाचलुचपत प्रतिबंधक विभागाचे अतिरिक्त पोलीस महासंचालक प्रभात कु मार, ‘फोर्स वन’चे अतिरिक्त महासंचालक सुखविंदर सिंह आणि पुण्याचे सहपोलीस आयुक्त रवींद्र शिसवे यांचा समावेश आहे.

कुमार, सिंह यांना उल्लेखनीय सेवेबद्दल राष्ट्रपती पोलीस पदक तर शिसवे यांना गुणवत्तापूर्ण सेवेसाठी पोलीस पदक जाहीर झाले आहे. त्यांच्यासह बीडचे पोलीस अधीक्षक राजा आर., अमराती ग्रामीणचे अधीक्षक हरी बालाजी एन., पुण्याचे पोलीस निरीक्षक गजानन पवार, गडचिरोलीचे सहायकपोलीस निरीक्षक नागनाथ पाटील, पोलीस नाईक महादेव मडावी, पोलीस शिपाई कमलेश अर्का, हेमंत मडावी, अमुल जगताप, वेल्ला आत्राम, सुधाकर मोगलीवार, बियेश्वर गेडाम, गिरीश ढेकले, नीलेश ढुमणे यांना शौर्य पदक जाहीर करण्यात आले. ठाण्याचे सहायक आयुक्त निवृत्ती कदम, मुंबईचे वरिष्ठ पोलीस निरीक्षक विलास गंगावणे यांची राष्ट्रपती पोलीस पदकासाठी निवड करण्यात आली आहे.

नवी मुंबईचे पोलीस उपायुक्त प्रवीण पाटील, मुंबईच्या सहायक आयुक्त कल्पना गाडेकर, पोलीस निरीक्षक राजू बिडकर, अजय जोशी, प्रमोद सावंत, सहायक उपनिरीक्षक जीवन जाधव यांना गुणवत्तापूर्ण सेवेसाठी पोलीस पदक जाहीर करण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 26, 2021 12:39 am

Web Title: bravery medals announced to 57 policemen in the state abn 97
Next Stories
1 यंदाच्या अर्थसंकल्पाचा वेध गुरुवारी
2 मुंबई-पुणे द्रुतगती मार्गावर आजपासून फास्टॅग बंधनकारक
3 उपनगरीय रेल्वे सेवा लवकरच
Just Now!
X