शहरातील उद्यानांत बाळासह फिरायला येणाऱ्या महिलांना तेथे स्तनपानाची सुविधा उपलब्ध करून देण्यात यावी, अशी मागणी बाजार व उद्यान समितीच्या अध्यक्ष यामिनी जाधव यांनी केली आहे. मुंबादेवी, महालक्ष्मी, सिद्धिविनायक या मंदिरांमध्येही आलेल्या महिलांना बाळाला दूध पाजण्यासाठी व्यवस्था नाही. उद्यानांमध्ये अशी व्यवस्था करणे शक्य असून मंदिरांच्या मोकळ्या जागेमध्ये अशी सुविधा उपलब्ध करून देता येईल, त्यामुळे पालिकेने याबाबत तातडीने लक्ष घालून महिलांसाठी सुविधा द्यावी, अशी मागणी जाधव यांनी पालिका आयुक्त अजोय मेहता यांच्याकडे केली आहे.
