29 January 2020

News Flash

डॉ. बाबासाहेब आंबेडकर स्मारकातील पुतळ्याची उंची वाढवणार, मंत्रिमंडळाचा निर्णय

डॉ. बाबासाहेब आंबेडकर यांच्या पुतळ्याची उंची आधी अडीचशे फूट होती ती आता शंभर फूटांनी वाढवून ३०० फूट करण्यात येणार आहे.

मुंबई : डॉ. बाबासाहेब आंबेडकर स्मारकातील पुतळ्याची उंची १०० फूटांनी वाढवण्यात येणार.

दादर येथील इंदू मिलच्या जागेवरील डॉ. बाबासाहेब आंबेडकर यांच्या स्मारकातील पुतळ्याची उंची वाढवण्याच्या सुधारित प्रस्तावाला बुधवारी मंत्रिमंडळाच्या बैठकीत मान्यता देण्यात आली. त्यामुळे डॉ. आंबेडकरांच्या पुतळ्याची उंची आता शंभर फूटांनी वाढवण्यात येणार आहे. आधी पुतळ्याची उंची अडीचशे फूट होती ती आता ३०० फूट करण्यात येणार आहे.

मंत्रिमंडळाच्या या निर्णयापूर्वी उपमुख्यमंत्री आणि वित्त व नियोजनमंत्री अजित पवार यांनी २ जानेवारी रोजी आंबेडकर स्मारकाच्या कामकाजाचा आढावा घेतला होता. त्यानंतर स्मारकातील सर्व अडथळे दूर करुन १४ एप्रिल २०२२ पर्यंत म्हणजेच दोन वर्षात स्मारकाचं काम पूर्ण करण्यात येईल असे आश्वासन दिले. त्यानंतर स्मारकातील डॉ. आंबेडकरांच्या पुतळ्याची उंची वाढवण्याचा नवीन प्रस्तावही तयार करण्यात आला. तो बुधवारी मंत्रिमंडळाच्या बैठकीत मांडण्यात आला आणि त्याला मान्यताही देण्यात आली.

स्मारकाचा खर्चही वाढणार

पुतळ्याची उंची वाढणार असल्याने आता या स्मारकाच्या खर्चातही वाढ होणार असून आधी स्मारकासाठी ७०९ कोटी रुपये प्रस्तावित खर्च होता तो आता ९९० कोटींवर जाणार आहे.

इंदू मिलच्या १२५ एकरच्या जागी घटनाकार डॉ. बाबासाहेब आंबेडकर यांचे भव्य आंतरराष्ट्रीय स्मारक उभारण्यात येणार आहे. सन २०११ मध्ये काँग्रेस-राष्ट्रवादीच्या आघाडी सरकारने या स्मारकाची घोषणा केली होती. त्यानंतर सन २०१४ मध्ये राज्यात भाजपाचे सरकार अस्तित्वात आल्यानंतर या स्मारकासाठीच्या कामाच्या मंजुऱ्या आणि जमीन हस्तांतरणाची प्रक्रिया पूर्ण करण्यात आली होती. तसेच ऑक्टोबर २०१५ मध्ये पंतप्रधान नरेंद्र मोदी यांच्या हस्ते या स्मारकाचे भुमिपूजन करण्यात आले. मात्र, अद्यापही स्मारकाच्या प्रत्यक्ष कामकाजाला सुरुवात झालेली नाही.

First Published on January 15, 2020 2:54 pm

Web Title: cabinet decides to raise the height of statue of dr babasaheb ambedkar monument aau 85
Next Stories
1 भाजपा-मनसे युतीवर संजय राऊत यांनी दिलं खास शैलीत उत्तर, म्हणाले…
2 “पत्रकार म्हणून मोदींना एकच सांगेन…”; संजय राऊतांकडून मोदींना सल्ला
3 काँग्रेस व गांधी घराणं हिंदुत्ववादीच – संजय राऊत
Just Now!
X