News Flash

रुग्णालयीन कर्मचाऱ्यांच्या सुट्या रद्द

करोनाच्या वाढत्या रुग्णसंख्येबरोबर वैद्यकीय क्षेत्रातील मनुष्यबळावरील ताण वाढू लागला आहे.

मुंबई : करोना रुग्णांची संख्या घटत नाही तोपर्यंत सर्व मोठ्या रुग्णालयांतील करोना रुग्णसेवेव्यतिरिक्त इतर उपचार, वैद्यकीय कामे कमी  करण्याची सूचना बृहन्मुंबई महानगरपालिकेने रुग्णालयांना दिली असून वैद्यकीय सेवेतील कर्मचाऱ्यांच्या सुट्ट्याही रद्द करण्यात आल्या आहेत.

करोनाच्या वाढत्या रुग्णसंख्येबरोबर वैद्यकीय क्षेत्रातील मनुष्यबळावरील ताण वाढू लागला आहे. या कर्मचाऱ्यांच्या सुट्ट्याही आता रद्द करण्यात आल्या आहेत. सबळ कारणाशिवाय रुग्णालयांतील कर्मचाऱ्यांना बाल संगोपन रजा अथवा अन्य कोणतीही दीर्घकालीन रजा मंजूर करू नये, वैद्यकीय महाविद्यालयांतील प्राध्यापकांनाही उन्हाळी सुट्टी देऊ नये, असे पालिकेने  रुग्णालयांना पाठवलेल्या परिपत्रकात नमूद के ले आहे. त्याशिवाय छोट्या रुग्णालयांनी अनावश्यक कारणांसाठी रुग्णांना मोठ्या रुग्णालयात पाठवू नये. करोनाव्यतिरिक्त इतर उपचार कामे काही प्रमाणात कमी करण्यात यावी अशाही सूचना रुग्णालयांना देण्यात आल्या आहेत.

रुग्णालयांचे आणि करोना केंद्रांचे अधीक्षक, मुख्य वैद्यकीय अधीक्षक यांना परिपत्रकाद्वारे ही सूचना देण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 18, 2021 12:32 am

Web Title: cancellation of leave of hospital staff akp 94
टॅग : Coronavirus
Next Stories
1 दारूची तलब आल्याने करोनाबाधिताने रूग्णालयाच्या पहिल्या मजल्यावरून मारली उडी
2 “…म्हणून मुंबईत संपूर्ण लॉकडाऊन करायला हवा”, मुंबईच्या महापौरांनी मांडली भूमिका!
3 “याला म्हणतात ठाकरे ब्रँड’! हाफकिन लस परवानगीवरून मनसे नेत्याचं ट्वीट, तर शिवसेना म्हणते “हा बालिशपणा”!
Just Now!
X