अभिनेता अरबाज खान, सोहेल खान व सोहेल खानचा मुलगा निर्वाण खान यांच्या विरोधात मुंबईतील खार पोलीस ठाण्यात गुन्हा दाखल करण्यात आला आहे.साथरोग प्रतिबंधक कायद्याद्वारे महापालिकेकडून खार पोलीस ठाण्यात एफआयआर दाखल करण्यात आलेला आहे. २५ डिसेंबर रोजी हे तिघेही यूएईवरून मुंबईत परतले होते. मात्र मुंबईतील ताज हॉटेलमध्ये बुकींग असल्याचं सांगून ते परस्पर घरी निघून गेले होते. एकीकडे करोनाचं नवं संकट येत असताना, बॉलिवूडमधील बड्या कलाकारांकडून अशा प्रकारचा हलगर्जीपणा करण्यात आल्याचं समोर येत आहे. Brihanmumbai Municipal Corporation (BMC) registers FIR against actor Sohail Khan & his son Nirvaan as well as actor Arbaaz Khan for violating COVID norms. They returned from Dubai on 25th Dec & were asked to remain in quarantine in a hotel but they went home: BMC. #Maharashtra — ANI (@ANI) January 4, 2021 नव्या करोना संसर्गाच्या पार्श्वभूमीवर नियमानुसार ब्रिटन व यूएईवरून आलेल्या प्रवाशांना सात दिवसांच्या संस्थात्मक विलगीकरणात रहावं लागतं. त्यानुसार त्यांचं बुकींग हे ताज लॅण्डमध्ये करण्यात आलं होतं. त्यानुसार २६ डिसेंबर रोजी महापालिकेने जेव्हा आढावा घेतला, तेव्हा ते तिघे तिथं गेलेच नसल्याचं समोर आलं. हे तिघे परस्पर घरी गेल्याचं उघडकीस आलं होतं. त्यामुळे आता मुंबई महापालिकेकडून त्यांच्याविरोधात खार पोलीस ठाण्यात एफआयआर दाखल करण्यात आला आहे. विमानतळावरून नियमांचा भंग करून परस्पपर घरी पळून गेल्याप्रकरणी गुन्ह्याची नोंद करण्यात आलेली आहे. याप्रकरणी आता या तिघांना भायखाळाच्या रिचर्डसन अँड क्रूडास येथील क्वारंटाईन क्वारंटाईन सेंटरला सुद्धा नेण्यात येणार आहे. ९ जानेवारीपर्यंत त्यांना तिथं ठेवण्यात येणार आहे.