07 August 2020

News Flash

‘१४०’च्या अफवेने नागरिकांमध्ये घबराट

पोलिसांप्रमाणे गणवेश परिधान केलेले ‘सोनी लीव’चे कर्मचारी/कलाकार

संग्रहित छायाचित्र

नव्या वेबमालिकेसाठी  ‘सोनी लीव’ने निर्माण केलेल्या जाहिरातीमुळे मुंबईत शुक्रवारी घबराट पसरली. ‘१४०’आकडय़ाने सुरू होणाऱ्या क्रमांकावरून दूरध्वनी आल्यास घेऊ नका, आर्थिक गंडा घातला जाईल, अशी सूचना पोलीस वस्त्या-वस्त्यांमध्ये देत आहेत, अशा ध्वनिचित्रफिती शुक्रवारी संध्याकाळी समाजमाध्यमांवरून सर्वदूर पसरल्या. चित्रफितीत पोलीस, पोलीस वाहन आदी दिसत असल्याने नागरिकांनी त्यावर विश्वास ठेवला आणि ही अफवा जास्तीत जास्त व्यक्तींपर्यंत पोहोचवली. प्रत्यक्षात चित्रफितीत पोलीस नव्हते. पोलिसांप्रमाणे गणवेश परिधान केलेले ‘सोनी लीव’चे कर्मचारी/कलाकार होते.

या ध्वनिचित्रफीती पाठोपाठ मुंबई पोलिसांच्या मुख्य नियंत्रण कक्षाच्या नावे ही अफवा पसरवण्यात आली. त्यामुळे अनेक पोलिसांनी हा मजकूर‘व्हॉट्सअ‍ॅप स्टेटस’ म्हणून जाहीर के ला. मात्र हा आभास सोनी लीव या ओटीटी प्लॅटफॉर्मने नव्या वेबमालिके च्या जाहिरातीसाठी रचला असल्याचे समजताच नागरिकांनी ट्विटरद्वारे खरपूस समाचार घेतला. राज्याच्या सायबर विभागानेही तातडीने सोनी लीवचे मुख्य कार्यकारी अधिकारी एन. पी. सिंह यांना संपर्क साधून हा प्रकार लागलीच थांबवण्याची सूचना दिली. या प्रसंगाबाबत सायबर विभाग आपला अहवाल मुंबई पोलिसांना देणार आहे, असे महानिरीक्षक यशस्वी यादव यांनी ‘लोकसत्ता’ला सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 11, 2020 12:31 am

Web Title: citizens are shocked by the rumors of 140 abn 97
Next Stories
1 टाळेबंदीतही ठाणे जिल्ह्यात रुग्णवाढ
2 मुंबईत आणखी १ हजार ३५४ रुग्ण
3 गणेशोत्सवात कार्यकर्त्यांच्या संख्येवर निर्बंध!
Just Now!
X