News Flash

अनुदानास पात्र शाळांना अंशत: दिलासा

अनुदानास पात्र ठरलेल्या राज्यातील प्राथमिक व माध्यमित १८२९ शाळा व १९३७ वर्ग आणि तुकडय़ांना अनुदान देण्याचे शिक्षणमंत्री व अर्थमंत्री यांनी तत्त्वत: मान्य केले आहे.

| July 19, 2015 08:43 am

'इंडिया टुडे'ने मुंबईमध्ये आयोजित केलेल्या एका परिसंवादात बोलताना देवेंद्र फडणवीस यांनी महाराष्ट्रात केवळ कायद्याचेच राज्य चालेल, असे स्पष्टपणे सांगितले.

अनुदानास पात्र ठरलेल्या राज्यातील प्राथमिक व माध्यमित १८२९ शाळा व १९३७ वर्ग आणि तुकडय़ांना अनुदान देण्याचे शिक्षणमंत्री व अर्थमंत्री यांनी तत्त्वत: मान्य केले आहे. मात्र या निधीबाबतचा अंतिम निर्णय मुख्यमंत्री घेतील असेही त्यांनी स्पष्ट केले. यामुळे या शाळांना अंशत: दिलासा मिळाला आहे.
शैक्षणिक वर्ष २०१२-१३ आणि २०१३-१४ या दोन वर्षांमध्ये अनुदानास पात्र ठरलेल्या शाळांना अद्याप शासनाने अनुदान दिलेले नाही. हे अनुदान मिळावे यासाठी महाराष्ट्र राज्य कायम विना अनुदानित कृति समितीतर्फे आझाद मैदान येथे गेले पाच दिवस ११५ वे आंदोलन सुरू होते. या आंदोलनाच्या पाश्र्वभूमीवर शिक्षणमंत्री विनोद तावडे यांनी स्वत: पुढाकार घेऊन अर्थमंत्री सुधीर मुनगंटीवार यांच्यासोबत समितीच्या शिष्टमंडळासोबत शुक्रवारी बैठक आयोजित केली. या चर्चेत दोन्ही मंत्र्यांनी या शाळा व तुकडय़ांसाठी लागणारा २२८ कोटींचा निधीला तत्त्वत: मान्यता देऊन आंदोलन मागे घेण्यास सांगितले. मात्र अंतिम निर्णय मुख्यमंत्री घेणार असल्यामुळे हा निर्णय होईपर्यंत आंदोलन सुरूच ठेवण्याचा पवित्र कृति समितीने घेतल्याचे समितीचे मुंबई विभागाचे अध्यक्ष प्रशांत रेडीज यांनी सांगितले.

बैठकीत शिक्षक आमदार ना. गो. गणार, माजी आमदार भगवान साळुंखे, तात्यासाहेब म्हसकर व अन्य कृति समितीचे पदाधिकारी उपस्थित होते. या बैठकीत दोन्ही मंत्र्यांनी समितीच्या सर्व मागण्यांवर चर्चा करून सकारात्मक प्रतिसाद दिला. आता मुख्यमंत्री याबाबत काय निर्णय घेतील याकडे सर्वाचे लक्ष लागले आहे. दरम्यान, कृति समितीचे पदाधिकारी रविवारी नागपूर येथे मुख्यमंत्र्यांची भेट घेणार आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 19, 2015 8:43 am

Web Title: cm will take final decision about granted school
Next Stories
1 गुन्ह्याचा पंचनामा करण्याच्या कामातून शिक्षकांची सुटका
2 एसटीत पुन्हा वाहकाच्या चिमटय़ाची ‘टिकटिक’
3 दरड कोसळल्याने मुंबई-पुणे विशेष रेल्वे
Just Now!
X