राष्ट्रपुरुष स्वामी विवेकानंद यांच्या विचारांवर आधारित संमेलनाचे शिकागो येथे आयोजन करावे व त्यास राष्ट्रपती प्रणव मुखर्जी आणि अमेरिकेचे राष्ट्राध्यक्ष बराक ओबामा यांनी एकत्रितपणे संबोधित करावे, अशी विनंती ज्येष्ठ भाजप नेते लालकृष्ण अडवाणी यांनी राष्ट्रपतींना केली आहे. दिवंगत भाजप नेते हशू अडवाणी यांच्या ८७ व्या जन्मदिनानिमित्ताने चेंबूर येथील विवेकानंद एज्युकेशन सोसायटीमध्ये अडवाणी शनिवारी उपस्थित होते. स्वामी विवेकानंदाची १५० वी जन्मशताब्दी देशभरात साजरी होत आहे. त्यानिमित्ताने उपरोक्त विनंती अडवाणींनी राष्ट्रपतींना केली आहे.
