आझाद मैदान पोलिस ठाण्यातील कॉन्स्टेबल संतोष हांडे (३६) यांचा सांगलीत उपचारा दरम्यान मृत्यू झाला. संतोष हांडे हे आझाद मैदान पोलिस ठाण्यात कार्यरत होते. गेल्या वर्षी ऑगस्टमध्ये झालेल्या दंगलीवेळी त्यांना किरकोळ इजा झाली. दुसऱ्या दिवशी ते कामावरही हजर राहिले. नंतर सप्टेंबरमध्ये हांडे यांना मज्जासंस्थेला झालेल्या इजेमुळे रुग्णालयात दाखल करावे लागले होते. पण उपचाराने फारसा फरक पडला नाही. त्यामुळे त्यांची पत्नी मनीषा हिने हांडे यांना सांगलीतील त्यांच्या गावी नेले होते.