News Flash

गर्दीचा शनिवार

गर्दी वाढल्याने पोलिसांनी कारवाई करत दुकाने बंद केली

बाजारपेठांमध्ये नियमांची पायमल्ली; खरेदीसाठी झुंबड

मुंबई : सुट्ट्यांच्या दिवशी बाजारपेठांमध्ये गर्दी टाळता यावी यासाठी शनिवारी आणि रविवारी अत्यावश्यक सेवा वगळता सर्व दुकाने बंद ठेवण्याचे आदेश महापालिकेने दिले होते. परंतु या नियमांची पायमल्ली करत शनिवारी फेरीवाल्यांनी बाजारपेठांमध्ये मोठ्या संख्येने ठेले लावले, तर दुकानदारांनीही दार अर्धे खुले ठेवून खरेदी-विक्री सुरू ठेवली. परिणामी, बाजारपेठांमध्ये नागरिकांची झुंबड उडाली होती.

धारावी, माटुंगा, अंधेरी, बोरिवली, दादर, लालबाग सगळीकडे काहीसे हेच चित्र होते. काही ठिकाणी गर्दी वाढल्याने पोलिसांनी कारवाई करत दुकाने बंद केली आणि फेरीवाल्यांनाही पळवून लावले. दादर बाजारपेठेत तर अंतरनियमाचा पूर्णत: फज्जा उडलेला होता. लोकांना वाहतूककोंडीचा सामना करावा लागला. दादर स्थानकापासून ते वीर कोतवाल उद्यानापर्यंत शेकडो फेरीवाले होते. दुकानदारांकडूनही उल्लंघन काही दुकानदारांनी अर्धे दार उघडे ठेवून विक्री केली. शनिवारी गर्दी होणार याचा अंदाज घेऊन साडी, कपडे, भांडी, इलेक्ट्रॉनिक आणि इतर दुकानदारांनी आपले कर्मचारी दुकानांबाहेर उभे केले होते. दाराशी आलेल्या ग्राहकांना मागच्या बाजूने दुकानात प्रवेश देऊन दुकानदारांनीही नियमांची पायमल्ली केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 6, 2021 1:47 am

Web Title: corona virus infection market holiday crowd akp 94
Next Stories
1 लवकरच राणीच्या बागेचे आभासी पर्यटन
2 करोना रुग्णसंख्येत ३३ टक्क्यांनी घट
3 ८६६ नवे बाधित, २९ मृत्यू
Just Now!
X