भ्रष्ट अधिकाऱ्यांविरुद्ध राज्याच्या लाचलुचपत प्रतिबंधक विभागाने जोरदार आघाडी उघडली असून विविध खात्यातील भ्रष्ट अधिकाऱ्यांची यादीच तयार केली आहे. या अधिकाऱ्यांच्या कार्यपद्धतीवर पाळत ठेवण्यासाठी साध्या वेशातील अधिकारी सध्या विविध विभागात फिरत असल्यामुळे प्रचंड खळबळ माजली आहे. लाचलुचपत प्रतिबंधक विभाग त्यासाठी कार्यान्वित झाला आहे. तक्रारदारही आता बिनधास्तपणे भ्रष्ट अधिकाऱ्यांविरोधात तक्रारीसाठी पुढे सरसावत आहेत.
