विजेच्या उघडय़ा तारेचा स्पर्श झाल्याने एका दाम्पत्याचा मृत्यू झाला. सांताक्रूझच्या गजधरबंध परिसरातील चाळीत ही दुर्घटना शनिवारी घडली. कपडे वाळत घालताना पत्नीला विजेचा धक्का लागल्यानंतर तिला वाचविण्यासाठी पतीने धाव घेतली. त्यात दोघांचा जागीच मृत्यू झाला. अनिल खैरे (४९) व वासंती खैरे (४०) अशी मृतांची नावे आहेत.खैरे दाम्पत्याला दोन मुले आहेत. घरातील पोटमाळ्याच्या शिडीला लागून असलेल्या लोखंडी ग्रीलजवळ विजेची तार लटकत होती. त्या तारेचा स्पर्श ग्रीलला झाला आणि त्यातून विजेचा धक्का वासंती यांनी लागला. त्यांचा ओरडण्याचा आवाज ऐकून पती अनिल खैरे पत्नीला वाचवायला गेले. त्यांनाही विजेचा धक्का बसला.
