‘ऑस्कर’ पुरस्कारासाठी ‘कोर्ट’ या मराठी चित्रपटाची निवड झाली आहे. ‘ऑस्कर’ पुरस्कारासाठीची एकूण प्रक्रिया खर्चिक असून त्यासाठी ‘कोर्ट’च्या चमूला राज्य शासनाने आर्थिक मदत करावी, अशी मागणी खासदार राहुल शेवाळे यांनी राज्याचे सांस्कृतिक कार्यमंत्री विनोद तावडे यांच्याकडे एका पत्राव्दारे केली आहे.ऑस्कर पुरस्काराच्या नामांकनापासून ते पुरस्कार जाहीर होण्याच्या संपूर्ण प्रक्रियेसाठी ‘कोर्ट’च्या चमूला त्यासाठी काम करावे लागणार आहे. मराठी चित्रपट अनेकदा या प्रक्रियेत आर्थिक निधीअभावी मागे पडतात. तशी वेळ ‘कोर्ट’वर येऊ नये, त्यासाठी ही आर्थिक मदत करण्यात यावी, असे शेवाळे यांनी म्हटले आहे.
