Dahi Handi 2018: 'गोविंदा रे गोपाळा' असे म्हणत थरारवर थर रचणारी पथके, डिजेच्या तालावर ठेका धरणारी तरुणाई अशा उत्साहवर्धक वातावरणात मुंबई आणि राज्यभरात विशेषतः मुंबई, ठाण्यात दहीहंडीचा उत्सव पाहायला मिळत आहे. मात्र, उच्च न्यायालयाने घातलेले निर्बंध आणि पोलिसांची कारवाई, अशा परिस्थितीमुळे आज, सोमवारी साजऱ्या होणा-या दहीहंडी उत्सवात दरवर्षीपेक्षा थरांची स्पर्धा कमी झालेली पाहायला मिळत असली तरी उत्साह मात्र कमी झालेला नाही. विशेष म्हणजे ठाण्यातील मनसेची २१ लाख रुपयांची दहीहंडी जोगेश्वरीतील जय जवान या गोविंदा पथकाने फोडली आहे. मुंबई शहर आणि उपनगरात राजकीय हंड्यांपासून सामाजिक हंड्यांचे आयोजन करण्यात आले आहे. यातही ठाण्यातील हंड्या दरवर्षीप्रमाणे यावर्षीही मंडळांना आकर्षित करत आहेत. शहराचा विचार करता भायखळा, गिरगाव, वरळी, लालबाग, दादर, माहीम, प्रभादेवी, माटुंगा आणि धारावी परिसरात राजकीय नेत्यांसह मंडळांच्या हंड्या गोविंदांचे लक्ष वेधून घेत आहेत. जाणून घेऊया दहीहंडीबाबतचे सर्व अपडेट्स -