मुंबई : रस्त्यावर इतस्तत पडणाऱ्या डेब्रिजवर निर्बंध आणण्यासाठी तसेच ते उचलण्यासाठी पालिकेने डेब्रिज ऑन कॉल ही सुविधा सुरू केली आहे. डेब्रिज उचलण्यासाठी प्रत्येक विभागात स्वतंत्र दूरध्वनी क्रमांक देण्यात आले असून नागरिकांनी तिथे डेब्रिजची माहिती दिल्यास ते उचलले जाईल. याशिवाय नागरिकांना घनकचरा व्यवस्थापन विभागातील स्वच्छ भारत अभियान नियंत्रण कक्ष येथेही २४९४४३७२, २४९५५३३९, २४९५४७९९ या क्रमांकावर संपर्क साधता येईल.