News Flash

सर्वच बेस्ट कर्मचाऱ्यांना बोनसचा लाभ

औद्योगिक न्यायालयाचा आदेश उच्च न्यायालयात कायम

संग्रहित छायाचित्र

औद्योगिक न्यायालयाचा आदेश उच्च न्यायालयात कायम

मुंबई : केवळ सामंजस्य करारावर स्वाक्षऱ्या करणाऱ्या बेस्ट कर्मचाऱ्यांनाच नव्हे तर सरसकट सर्वच कर्मचाऱ्यांना बेस्ट प्रशासनाने बोनस द्यावा, या औद्योगिक न्यायालयाने  दिलेल्या निर्णयात हस्तक्षेप करण्यास उच्च न्यायालयाच्या सुट्टीकालीन खंडपीठाने शुक्रवारी नकार दिला. त्यामुळे बेस्ट कर्मचाऱ्यांना ऐन दिवाळीत दिलासा मिळाला आहे.

उच्च न्यायालयाच्या या निर्णयाचा बेस्टच्या ३१ हजार ४६२ कर्मचाऱ्यांना लाभ होणार आहे. यापूर्वी केवळ सामंजस्य करारावर सही करणाऱ्या १५ हजार ८१३ कर्मचाऱ्यांनाच यंदा दिवाळी बोनस देण्याचे प्रशासनाने जाहीर केले होते.

त्याविरोधात कर्मचारी संघटनेने औद्योगिक न्यायालयात दाद मागितली होती. त्यावेळी औद्योगिक न्यायालयाने कामगारांच्या बाजूने निकाल देत सरसकट सर्वच कर्मचाऱ्यांना दिवाळी बोनस देण्याचे आदेश दिले होते. या निर्णयाविरोधात बेस्ट प्रशासनाने उच्च न्यायालयात धाव घेतली.

सुट्टीकालीन न्यायालयाचे न्यायमूर्ती एन. जे. जमादार यांच्या समोर शुक्रवारी याप्रकरणी सुनावणी घेण्यात आली.  त्यावेळी बेस्ट प्रशासनाच्या या निर्णयामुळे कर्मचाऱ्यांवर अन्याय होत आहे, असे कर्मचाऱ्यांच्या संघटनेतर्फे न्यायालयाला सांगण्यात आले. तर या आधीसुद्धा २०१६ ते २०१८ दरम्यान आर्थिक तोटय़ामुळे कर्मचाऱ्यांना बोनस देण्यात आला नव्हता, असा दावा प्रशासनातर्फे करण्यात आला.  या प्रकरणाची सुनावणी तीन आठवडय़ांनी होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 26, 2019 1:45 am

Web Title: diwali bonus benefits to all the best employees zws 70
Next Stories
1 सात लाख मतदारांनी सर्वपक्षीय उमेदवारांना नाकारले
2 राज्याच्या राजकारणात राष्ट्रवादी केंद्रस्थानी
3 खचलेल्या काँग्रेसला निकालाने उभारी
Just Now!
X