वांद्रे वरळी सागरी सेतूवर भरधाव वेगाने जाणाऱ्या जग्वार गाडीने दुभाजकाला दिलेल्या धडकने अपघात झाला. विशेष म्हणजे या गाडीतील डॉक्टरांसह तिघेजण सुदैवाने बचावले. दादर येथील डॉक्टर श्रीपाद खेडेकर, त्यांचे मित्र गौतम तोरणकर वांद्रे येथील एक कार्यक्रम आटोपून घरी परतत होते. चालक अजय सिंग हा गाडी चालवत होता. सागरी सेतूवर त्यांची गाडी भरधाव वेगात होती. रात्री १ च्या सुमारास वाहनचालकाचे नियंत्रण सुटले आणि गाडीने वळणावरील दुभाजकाला धडक दिली. या अपघातात गाडीतील तिघांना किरकोळ खरचटले पण गाडीचे थोडे नुकसान झाले. या मुळे बराच वेळी सागरी सेतूनवरील वाहतूक ठप्प होती. वरळी पोलिसांनी घटनास्थळावर धाव घेऊन वाहतूक सुरळीत केली. चालकाने मद्यपान केलेले नव्हते. पोलिसांनी याप्रकरणी डायरी नोंद केली आहे.
