डोंबिवलीहून सुटलेल्या सीएसएमटी फास्ट लोकलमधून एक तरुणी खाली पडून तिचा मृत्यू झाला. सविता नाईक असं या तरुणीचं नाव आहे. ती ३० वर्षांची होती, कोपर आणि दिवा रेल्वे स्थानकांदरम्यान लोकलमधून पडून या तरुणीचा मृत्यू झाला. घटनास्थळी जीआरपीची टीम दाखल झाली आहे. या तरुणीचा मृतदेह डोंबिवलीत आणण्यात येणार आहे. मध्य रेल्वेच्या कल्याण, डोंबिवली या स्थानकांवर कायमच गर्दी होते. डोंबिवलीत तर जलद लोकलमध्ये पिक अवर्समध्ये चढणं हे एक दिव्य असतं. अशा गर्दीच्यावेळीच लोकलमधून पडण्याच्या अनेक घटना घडल्या आहेत. तसेच मृत्यूही झाले आहेत. आता पुन्हा एकदा अशीच घटना घडली आहे. एका तरुणीचा लोकलमधून पडून मृत्यू झाला आहे. अत्यंत दुर्दैवी अशीच ही घटना आहे. घटनास्थळी जीआरपीचं पथक दाखल झालं आहे. सविता नाईक असं मृत्यू झालेल्या तरुणीचं नाव आहे. या तरुणीचा मृतदेह डोंबिवलीत आणला जाणार आहे.
