अंडरवर्ल्ड डॉन छोटा शकील याच्या मोठ्या बहिणीचा म्हणजेच हमीदाचा मृत्यू करोनामुळे झाल्याचं वृत्त आहे. याआधी त्याच्या छोट्या बहिणीचाही मृत्यू झाल्याचं समोर आलं होतं. धाकट्या बहिणीच्या मृत्यूला एक महिना लोटण्याआधीच हमीदाचा मृत्यू झाला. हमीदा सय्यदचा मुंब्रा येथील रुग्णालयात मंगळवारी पहाटे मृत्यू झाला. हमीदा सय्यदवर गेल्या आठवड्यापासून करोनाचे उपचार सुरु होते.छोटा शकीलची धाकटी बहीण फहमिदा हिचा २० मे रोजी मीर रोड येथील रुग्णालयात मृत्यू झाला. तिचीही करोना चाचणी पॉझिटिव्ह आली होती. मुंबई मिररने यासंदर्भातले वृत्त दिले आहे.
