News Flash

शरद पवारांच्या उपस्थितीत एकनाथ खडसेंचा राष्ट्रवादी काँग्रेसमध्ये प्रवेश

महाराष्ट्राच्या राजकारणातली सर्वात मोठी घडामोड

शरद पवार यांच्या उपस्थितीत एकनाथ खडसे यांनी राष्ट्रवादी काँग्रेसमध्ये प्रवेश केला. (छायाचित्र/एएनआय)

भाजपाला रामराम केल्यानंतर अखेर आज एकनाथ खडसे यांनी शरद पवारांच्या उपस्थितीत राष्ट्रवादी काँग्रेसमध्ये प्रवेश केला आहे. राष्ट्रवादी काँग्रेसमधील प्रवेशासाठी एकनाथ खडसे गुरुवारीच हेलिकॉप्टरने मुंबईत दाखल झाले. त्यांच्यासोबत त्यांची मुलगी रोहिणी खडसे यादेखील आहेत. रोहिणी खडसे यांनीही आपण भाजपामधून बाहेर पडणार असल्याचं जाहीर केलं असून राष्ट्रवादीसाठी काम करणार असल्याचं सांगितलं आहे. एकनाथ खडसेंसोबत जळगाव, धुळे, नंदुरबार या जिल्ह्य़ांतील त्यांचे समर्थकही पक्षात प्रवेश करणार आहेत, असं जयंत पाटील यांनी सांगितलं आहे. तसंच खडसे यांच्या पुनर्वसनाबाबत कोणी चिंता करू नये असा टोलाही त्यांनी लगावला आहे.

राष्ट्रवादी काँग्रेसमध्ये शरद पवार यांनी मला प्रवेश दिला त्याबद्दल मी त्यांचा आभारी आहे. आयुष्यातली ४० वर्षे मी भाजपामध्ये काम करत आलो आहे. ४० वर्षे पक्षात राहिल्यानंतर एकाएकी पक्ष सोडावासा वाटला नाही. मात्र महाराष्ट्राच्या विधानसभेत वारंवार माझी बदनामी झाली, छळ करण्यात आला. गैरव्यवहार असेल तर कागदपत्रं द्या.. मात्र या क्षणापर्यंत मला उत्तर मिळालेला नाही. मी आजवर खूप संघर्ष केला. मंत्रिमंडळात येण्यासाठीही मला संघर्ष करावा आहे. तो माझा स्थायीस्वभाव आहे. भाजपाचं काम करत असताना उत्तर महाराष्ट्रात पक्षाला बळकटी देण्याचं काम आम्ही सातत्यानं केलं. असंही एकनाथ खडसे यांनी म्हटलं आहे. भाजपात माझ्यावर अन्याय झाला आहे असंही खडसे यांनी आज बोलून दाखवलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 23, 2020 4:00 pm

Web Title: eknath khadse joins ncp in presence of party chief sharad pawar in mumbai scj 81
Next Stories
1 फडणवीसांचा दावा चुकीचा?, आरे कारशेडसाठी ४०० नाही ७० कोटी खर्च झाला; RTI मधून खुलासा
2 ४०० लोकांची सुटका, ३५०० नागरिकांचं स्थलांतर; मुंबईत मॉलला लागलेली आग १२ तासांनंतरही धुमसतीच
3 अपुऱ्या तिकीट खिडक्या, बंद एटीव्हीएम
Just Now!
X