मुंबईतील वाहतूक कोंडी टाळण्यासाठी उर्जामंत्री चंद्रशेखर बावनकुळे यांनी लोकलने प्रवास केला आहे. ऊर्जामंत्री चंद्रशेखर बावनकुळे यांनी सीएसएमटीपासून मुलुंडपर्यंत लोकलनं प्रवास केला. याबबातची माहिती त्यांनी आपल्या ट्विटरवरून दिली.

महाराष्ट्राला वीज पुरवठा करणाऱ्या लो डिस्पॅच सेंटरची पाहणी करण्यासाठी आणि आढावा बैठकी घेण्यासाठी कळवा येथे जायचे होते. पण मुंबईतील वाहतूक कोंडीमुळे बावनकुले यांनी लोकलने प्रवास करण्याचा निर्णय घेतला आहे.

सकाळी साडे अकराच्या सुमारास ऊर्जामंत्रीचंद्रशेखर बावनकुळे यांनी सीएसटी ते मुलुंड लोकलने प्रवास केला. उर्जामंत्री बावनकुळे यांनी रेल्वे प्रवासादरम्यान प्रवाशांशी संवाद साधला.