17 January 2021

News Flash

जाणून घ्या, मुख्यमंत्री उद्धव ठाकरे यांची संपत्ती किती?

विधानपरिषद निवडणुकीचा अर्ज सादर केल्याने समोर आला आकडा

मुख्यमत्री उद्धव ठाकरे यांनी आज विधानपरिषद निवडणुकीचा अर्ज सादर केला.  हा अर्ज सादर करताना त्यांनी आपल्या एकूण संपत्तीचे विवरण दिले आहे. यानुसार मुख्यमंत्री उद्धव ठाकरे यांच्याकडे जवळपास 125 कोटी रुपयांची संपत्ती असल्याचे स्पष्ट झाले आहे. सूत्रांच्या हवाल्याने ही माहिती मिळाली असून मुख्यमंत्री उद्धव ठाकरे यांचं प्रतिज्ञापत्र अद्याप निवडणूक आयोगाच्या वेबसाइटवर प्रसिद्ध करण्यात आलेलं नाही.

उद्धव ठाकरे यांच्या प्रतिज्ञापत्रातील माहितीनुसार त्यांच्याकडे स्वतःच्या मालकीचं एकही वाहन नाही. दोन बंगले व एक फार्म हाऊस आहे. याशिवाय विवध कंपन्यांचे शेअर्स, कंपन्यांधील भागीदारी व त्यांचे डिव्हिडंड हे त्यांचे उत्पन्नाचे स्त्रोत असल्याची नोंद यामध्ये असल्याची सुत्रांची माहिती आहे.

आतापर्यंत ठाकरे कुटुंबाच्या संपत्तीवरून अनेकदा प्रश्न निर्माण झालेले होते. मात्र आदित्य ठाकरे यांनी विधानसभा निवडणूक लढवली तेव्हा व आज उद्धव ठाकरे यांनी विधानपरिषदेचा अर्ज केल्याने निवडणूक प्रक्रियेचा भाग म्हणून त्यांना संपत्तीचे विवरण द्यावे लागले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 11, 2020 6:39 pm

Web Title: find out how much is the wealth of chief minister uddhav thackeray msr 87
Next Stories
1 आंतरजिल्हा एसटी सेवेचा निर्णय टप्प्याटप्प्याने घेऊ – परिवहन मंत्री अनिल परब
2 मला इतर पक्षांकडूनही ऑफर, करोना संकट संपल्यानंतर निर्णय घेणार – एकनाथ खडसे
3 एसटीच्या मोफत प्रवासासंदर्भात गोंधळ; मुंबई सेंट्रल बस स्थानकाबाहेर मोठी गर्दी
Just Now!
X