परळच्या महात्मा गांधी मेमोरिअल रुग्णालयाच्या तळमजल्यावर सोमवारी दुपारी लागलेली आग आटोक्यात आणण्यात अग्नीशमन दलाच्या जवनांना यश आले. सुदैवाने कोणतीही जीवीतहानी झाली नसून, रुग्णालयातील सर्व रुग्ण सुरक्षित आहेत. रुग्णालयाच्या तळ मजल्यात कागदपत्रांना सोमवारी दुपारी आग लागली. आगीमुळे परिसरात धुराचे साम्राज्य पसरले होते. माहिती मिळताच अग्नीशमन दलाचे पाच बंब घटनास्थळी दाखल झाले आणि तासाभरानंतर आगीवर नियंत्रण मिळवण्यात अग्नीशमन दलाला यश आले.
