मुंबईतील ताडदेव भागातील एका बहुमजली टॉवरमध्ये आग भडकली आहे. सोमवारी दुपारी वेलिंग्टन हाईटस या टॉवरच्या २७ व्या मजल्यावर आग लागल्याचे महापालिकेच्या अधिकाऱ्यांनी सांगितले. मुंबई पोलीस आणि अग्निशमन दलाचे अधिकारी घटनास्थळी पोहोचले असून आग विझवण्याचे प्रयत्न युद्धपातळीवर सुरु आहेत. वेलिंग्टन हाईटस ही ३४ मजली इमारत आहे. या आगीमध्ये कुठेही जिवीतहानी झाल्याचे वृत्त नाही. काही दिवसांपूर्वी अभिनेत्री दिपिका पदुकोण राहत असलेल्या प्रभादेवी येथील गगनचुंबी इमारतीला आग लागली होती.