लोअर परळमधील मथुरादास मिल कम्पाऊंड परिसरातील कॅफ झोमध्ये गुरुवारी सकाळी आग लागली. या आगीवर नियंत्रण मिळवण्यात यश आले असून घटनेत कोणतीही जीवितहानी झालेली नाही. मथुरादास कम्पाऊंड परिसरात काही कार्यालये तसेच कॅफे आहेत. त्याच्या मागे चाळी आहेत. कॅफे झोच्या कर्मचाऱ्यांच्या खोलीत गुरुवारी सकाळी भीषण आग लागली. आगीचे वृत्त समजताच अग्निमशन दलाचे पथक घटनास्थळी पोहोचले. एसीमध्ये शॉर्ट सर्किट झाल्याने ही आग लागल्याचे सूत्रांनी सांगितले. मात्र, अग्निशमन दलाच्या अधिकाऱ्यांनी या वृत्ताला दुजोरा दिलेला नाही. या घटनेत कोणतीही जीवितहानी झालेली नाही.
