मुंबईतील मानखुर्द भागात असलेल्या भंगार गोडाऊनला आग लागली आहे. दुपारी २ वाजण्याच्या सुमारास ही आग लागली. एएनआयने दिलेल्या माहितीनुसार अग्निशमन दलाचे ४ बंब आग नियंत्रणात आणण्यासाठी घटनास्थळी रवाना झाले आहेत. ही आग नेमकी का लागली हे अद्याप समजू शकलेले नाही. या आगीचे लोळ इतक्या मोठ्या प्रमाणावर आकाशात पसरले होते की घाटकोपरमधूनही ही आग पाहाता येत होती. #Mumbai: Fire broke out in a scrap godown in Mankhurd. More details awaited. pic.twitter.com/TiA54SZ3bg — ANI (@ANI) November 26, 2017 भंगार गोदामाला लागलेली ही आग पसरू नये म्हणून काळजी घेतली जात आहे. या गोडाऊनच्या बाजूला केमिकलची आणि इतर भंगार सामानाची गोडाऊन आहेत. त्यामुळे प्रयत्नांची शर्थ करून ही आग नियंत्रणात आणावी लागते आहे. गेल्या काही दिवसांमध्ये मानखुर्द येथील भंगार गोडाऊनला आग लागण्याच्या घटना घडल्या आहेत. आता लागलेली आग नियंत्रणात आणण्याचे शर्थीचे प्रयत्न सुरू आहेत.