जुन्या अंबरनाथ गावातील गायकवाड पाडय़ातील एका गाळ्यात एका सात वर्षांच्या मुलीस कोंडून ठेवल्याप्रकरणी चौघांना पोलिसांनी अटक केली असून एक जण फरार आहे. मंगळवारी संध्याकाळी खेळायला गेलेली मुलगी घरी आली नाही. घरच्यांनी तिचा शोध घेतला, पण ती सापडली नाही. त्यामुळे अखेर पोलीस ठाण्यात तक्रार देण्यात आली. पोलिसांनी या तक्रारीची गंभीर दखल घेत रात्रीच तो सर्व परिसर पिंजून काढला असता अब्दुल रहमान याच्या गाळ्यात ती मुलगी सापडली. याप्रकरणी सोमीन शेख, मोमीन शेख, मोहम्मद शेख आणि मोहम्मद फैजल या चार जणांना पोलिसांनी अटक केली आहे. या अपहरण प्रकरणातील आणखी एक आरोपी अनायत खुपरे मात्र फरार आहे.
