News Flash

लोकलमधल्या ‘त्या’ टवाळखोर स्टंटबाजांना शोधलं, पोलिसांनी घातल्या बेड्या

धावत्या लोकलमधून या हुल्लडबाजांनी प्लॅटफॉर्मवर उभ्या असणाऱ्या एका प्रवाशाचा मोबाईलही हिसकावला होता

(व्हिडीओमध्ये दिसणारे टवाळखोर)

मुंबई लोकलच्या हार्बर मार्गवर धावत्या लोकलमध्ये स्टंटबाजी करणाऱ्या चार टवाळखोर तरुणांचा शोध घेण्यात पोलिसांना यश आलं आहे. काल मध्यरात्री वडाळा लोहमार्ग पोलिसांनी या चार टवाळखोर तरुणांना ताब्यात घेतलं.

रविवारी दुपारच्या सुमारास हार्बर मार्गवरील जीटीबी स्थानक आणि चुनाभट्टी स्थानकादरम्यानच्या प्रवासातील जीवघेण्या स्टंटबाजीचा व्हिडीओ समोर आला होता. धावत्या लोकलमधून या हुल्लडबाजांनी प्लॅटफॉर्मवर उभ्या असणाऱ्या एका प्रवाशाचा मोबाईल हिसकावल्याचे या व्हिडिओमध्ये स्पष्टपणे दिसत होते. यामध्ये चौघांपैकी एकजण धावत्या ट्रेनच्या छतावर चढताना दिसत होता. तर इतर मुलं दरवाजाला आणि खिडकीला लटकल्याचे व्हिडीओत दिसत होतं. स्टंट करणाऱ्यांपैकीच एकाने सेल्फी कॅमेराने हा व्हिडीओ शूट केला होता. व्हिडीओ व्हायरल झाल्यानंतर, जर कोणास ही मुलं दिसली तर त्यांनी पोलिसांना माहिती द्यावी असे आवाहन नागरिकांना करण्यात आले होते.
अशा हुल्लडबाजांवर कारवाई करण्याची मागणी अनेकदा प्रवाशी संघटनांकडून होते. मात्र पोलिस, जीआरपीएफचे जवान अनेक स्थानकात असले तरी अशाप्रकारच्या स्टंटबाजीला लगाम लागताना दिसत नाहीय. अशाप्रकारे स्टंटबाजी करुन हे लोक स्वत:चा जीव तर धोक्यात घालतातच पण इतर सहप्रवाशांचाही जीव धोक्यात घालतात.

अशा हुल्लडबाजीमुळे आठवड्याभरापूर्वी ट्रॅकमॅनचा गेला जीव –

काही दिवसापुर्वीच अशाच एका हुल्लडबाज प्रवाशाने महालक्ष्मी आणि लोअर परळ या स्थानकांदरम्यान धावत्या ट्रेनच्या दारातून लाथ मारल्याने श्रावण सानप या ट्रॅकमनचा मृत्यू झाला होता. अशाप्रकारची हुल्लडबाजी कमी अधिक प्रमाणात रेल्वेच्या सर्वच उपनगरीय मार्गांवर होते मात्र हार्बर मार्गावर अशा घटनांचे प्रमाण आधिक आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 2, 2018 9:23 am

Web Title: four boys stunt in mumbai local arrested by police
Next Stories
1 संजय किर्लोस्करांची भावांविरोधात कोर्टात धाव, ७५० कोटींच्या नुकसानभरपाईचा दावा
2 चाकण हिंसाचार प्रकरणी अटकसत्र सुरू, २० जण पोलिसांच्या ताब्यात
3 बेळगावला दुसऱ्या राजधानीचा दर्जा देण्याचे कारस्थान, राज्य सरकारने हस्तक्षेप करावा : उद्धव ठाकरे
Just Now!
X