मुंबईमध्ये शंभर वर्षांपूर्वी लोकं एकतर चाळींमध्ये रहात किंवा त्यांची स्वत:ची घरं असायची. मात्र १०४ वर्षांपूर्वी सहकारी गृहनिर्माण संस्था किंवा कोऑपरेटिव्ह हाउसिंग सोसायटीचा प्रकल्प (काही जणांच्या मते आशियातील पहिला प्रकल्प) इथं उभारण्यात आला तो म्हणजे गांवदेवीतील सारस्वत कॉलनी. लोकांनी एकत्र येऊन सोसायटी बांधण्याची ही कल्पना त्यावेळी अभिनव अशी होती. आजही ही सोसायटी दिमाखात उभी आहे. मुंबईला दिलेलं योगदान म्हणता येईल अशी ही कल्पना कशी पुढे आली हे सांगतायत खाकी टूर्सचे भरत गोठोसकर.
