03 June 2020

News Flash

सरपंच निवडीचा अध्यादेश राज्यपालांनी फेटाळला

फडणवीस सरकारने थेट जनतेतून सरपंचाची निवड करण्याचा निर्णय घेतला होता.

(Express Photo by Kamleshwar Singh)

मुंबई : विधान परिषदेतील दोन रिक्त जागा भरण्याबाबत सरकारचा प्रस्ताव परत पाठवत सरकारला धक्का देणाऱ्या राज्यपाल भगतसिंह कोश्यारी यांनी सरपंच निवडीबाबतच्या  अध्यादेशावर स्वाक्षरी करण्यास नकार दिला. त्यामुळे निवडून आलेल्या सदस्यांमधून सरपंचाची निवड करण्याचा महाविकास आघाडीचा निर्णय विधेयक मंजूर झाल्यावरच अमलात येऊ शकेल.

फडणवीस सरकारने थेट जनतेतून सरपंचाची निवड करण्याचा निर्णय घेतला होता. मात्र, सत्तांतरानंतर महाविकास आघाडी सरकारने फडणवीस सरकारचा निर्णय रद्द करीत सरपंचाची निवडही पूर्वीप्रमाणे ग्रामपंचायत सदस्यांमधूनच करण्याचा निर्णय काही दिवसांपूर्वी घेतला असून, त्याबाबचा अध्यादेश काढण्याचा निर्णयही घेण्यात आला होता. त्यानुसार ग्रामविकास विभागाने अध्यादेश काढण्याबाबत केलेली विनंती राज्यपालांनी फेटाळून लावल्याचे सूत्रांनी सांगितले. अधिवेशनात याबाबतचे विधेयक मांडा, असे सांगून राज्यपालांनी अध्यादेशावर स्वाक्षरी करण्यास नकार दिल्याचे समजते. याबाबत ग्रामविकासमंत्री हसन मुश्रीफ यांच्याशी संपर्क साधला असता, सोमवारपासून सुरू होणाऱ्या अर्थसंकल्पीय अधिवेशनात याबाबतचे विधेयक मांडण्याची सूचना राज्यपालांनी केली  आहे.

तत्पूर्वी, विधान परिषदेच्या राज्यपाल नियुक्त दोन रिक्त जागा भरण्यासाठी सरकारच्या वतीने दोन नावांची शिफारस करण्यात आली होती. पण, राज्यपाल नियुक्त सदस्यांची मुदत संपण्यास सहा महिनेच शिल्लक असल्याने दोघांची नियुक्ती करण्याचा प्रस्तावही राज्यपालांनी मान्य केला नव्हता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 21, 2020 12:48 am

Web Title: governor bhagat singh koshyari dismisses the ordinance of sarpanch selection zws 70
Next Stories
1 ठाणे-दिवा पाचव्या आणि सहाव्या मार्गासाठी प्रत्येकी १० तासांचे १२ ‘मेगाब्लॉक’
2 पुरंदरमध्ये अमली पदार्थाचा कारखाना उद्ध्वस्त
3 आरोपी डॉक्टरांना नायर रुग्णालयातूनच उर्वरित शिक्षण पूर्ण करण्याची परवानगी?
Just Now!
X